今日終於買咗我想咗好耐的麵包機–億世家麵包機
之前睇咗好多有關麵包機的資料，又怕買咗整幾次又唔整，浪費金錢又要找地方安置。最初想買象印牌，但要成2千幾蚊，好貴呀，上淘宝買又怕麻煩，我無淘宝A/C，唔想因為買一樣嘢走去開A/C，又唔知點俾錢好，又怕D貨有問題唔知點算好。最後見億世家有麵包機賣，又唔貴喎，只係$499，包一年保養，低玩
多謝KF幫我搬佢返屋企，都幾重下，外形有D似電飯煲，買齊料當晚立即試機，第一機係朱古力方包
第一次整麵包有D手忙腳亂，雖然已上網睇咗好多有關資料，但到真係落手落腳去量材料就．．．量好高筋粉才記起要先放液體(奶/水)先，又要將D高筋粉倒返出嚟，唉．．．
今次材料有：
牛奶 | 125 | g | (唔記得放到室溫才用) |
糖 | 15 | g | (一D都唔甜，下次可以加到25 -30g ) |
鹽 | 6 | g |
|
湯種 | 103 | g | (高筋粉：水 １：５) |
可可粉 | 8 | g |
|
高筋粉 | 283 | g |
|
酵母 | 6 | g |
|
牛油 | 18 | g | (後下) |
個包發到好高，我怕佢會太高大，走去用匙羹打算”不”起一d出嚟，點知個麵團好似個氣球漏氣咁，縮細咗一半，死火啦，好彩再等佢發酵多一陣佢又高大返，但已無頭先咁高大啦，衰多手
食後感：
唔夠甜，都算鬆但就唔夠軟，可以再好d
睇到你啲制成品都覺得你好成功,繼續加油p@v@q
回覆刪除[版主回覆03/06/2012 15:49:43]多謝
你好, 我也剛買了億世家的麵包機, 用程式一試做了兩次方包, 麵包味道口質都不錯, 唯獨麵包皮很很厚很硬, 看到你的成品卻沒有此問題, 請問怎麼解決? 謝謝!
回覆刪除[版主回覆05/07/2012 17:03:11]我會用快子吉落個包中間睇下熟未, 用湯種都可能有關, 我有朋友試過唔用湯種個包係會硬好多
[Irene回覆05/07/2012 16:48:40]謝謝你的回覆, 因為只買了幾天, 暫時只是跟億世家說明書內第一個最簡單的食譜去做, 我試試早十分鐘拎出來看看有沒有改善, 早十分鐘取出麵包也熟嗎? 關不關我沒有用湯種的事呢?
[版主回覆05/07/2012 15:22:45]我一焗好就攞出嚟放涼, 唔知有無關係呢? 同埋我發覺如果落多左糖個包會快d燶, 所以有時我會在焗好前5-10分鐘提早攞出嚟
[版主回覆05/07/2012 15:03:07]你個食譜係點樣?
請問要幾耐先整得到!
回覆刪除而家百佳都有得換, 但係要 13 個鐘先整好 ...
[版主回覆07/30/2012 11:30:13]我用#1(一般程序)來做, 太約3小時可以出爐, 但要預先做好湯種
你好, 真開心看見你的blog, 我都買了這品牌的機, 只是1.5lb 那部, 但我都唔明,我做了2,3次都是很硬,皮很厚, 我只用最簡單一號,都攪唔掂...怎麼辨呢.
回覆刪除[版主回覆10/22/2012 17:43:13]你有無用湯種去整?